fbpx
Connect with us

ፌስቡክ በኢትዮጵያ የመገበያያ መተግበሪያ ዘረጋ።

facebook market place
Social Media, Pixabay

ሳይቴክ

ፌስቡክ በኢትዮጵያ የመገበያያ መተግበሪያ ዘረጋ።

ፌስቡክ ምርቶችን መሸጥ እና መግዛት የሚያስችል መገበያያ መተግበሪያ የዘረጋዉ እንደጎርጎሮሳዉያኑ አቆጣጠር በ ጥቅምት 2016 ሲሆን በተለያዩ አገራት ቀስ በቀስ እየዘረጋ ሰዎች በቀላሉ እንዲገበያዩ እያደረገ መቆየቱ ይታወሳል። ነገር ግን መተግበሪያዉ እኛም ሀገር ያለዉን የተጠቃሚዎች የፌስቡክ አጠቃቀም እዉቀት እያደገ መምጣት ተከትሎ በአገራችንም በዚህ አመት ይፋ አድርጎታል።
ይህም የፌስቡክ ግብይት መተግበሪያ (FACEBOOK MARKETPLACE) የተሰኘ ሲሆን ኢትዮጵያዉያንም የሚፈልጓቸውን ምርቶች በቀላሉ በፌስ ቡክ ገጻቸው አማካኝነት መግዛት እና መሸጥ እንደሚያስችል የፌስቡክ የምስራቅና የአፍሪካ ቀንድ ስነ ህዝብ ፖሊሲ ሃላፊዋ ሜርሲ ንደግዋ ገልጸዋል።  ይሄም መተግበሪያ በኢትዮጵያ በኮቪድ-19 ምክንያት ጫና የደረሰበትን የመገበያየት ሂደት ከማቅለሉም በላይ ሰዎችም ለመግዛትም ሆነ ለመሸጥ የሚፈልጉትን ነገር በቀላሉ ማከናወን እንደሚያስችልም ተገልጿል።

FACEBOOK MARKETPLACE የተሰኘዉ መተግበሪያ ለተወሰኑ እና በታማኝነት የኩባንያዉን ስርዓት ተከትሎ መተግበሪያዉን ሲጠቀሙ ለነበሩ ጥቂት ለማይባሉ ኢትዮጵያዉያን ደምበኞቹ የፈቀደ ሲሆን ቀስ በቀስ እየተሰራ በዚህ አመት ህዳር መጨረሻ ላይ ለሁሉም ኢትዮጵያዊ ተደራሽ እንደሚሆንም አሳውቋል። መተግበሪያዉም ይፋ መሆኑ ገበያቸዉን በድረ ገጽ ላይ ለማድረግ የሚሰሩ ድርጅቶች ምንም አይነት ተጨማሪ ዌብሳይት ወይም አፕሊኬሽን ሳያስፈልጋቸዉ እቃቸዉን በመተግበሪያዉ ላይ በማስቀመጥ እና ተገቢዉን መረጃ ስለዕቃዉ በመጻፍ እትዮጵያዉያንን መድረስ እንዲችሉ ተደርጓል።

የመተግበሪያዉን መጀመር አስመልክቶ የፌስ ቡክ የምስራቅ አፍሪካ እና የአፍሪካ ቀንድ የሕዝብ ፖሊሲ ዋና ኃላፊ የሆኑት ሜርሲ ንድግዋ በኢትዮጵያ እያደገ የመጣውን የድረ ገጽ ግብይት የሚያስፋፋ የፌስቡክ መገበያያ መተግበሪያ በማስጀመራችዉ ደስታ እንደሚሰማቸዉ ገልጿል። ከዚህ በፊት እትዮጵያዉያን የፌስቡክ ገጽን በመጠቀም ሰዎችን ወደ ግል መገበያያ ድረገጻቸዉ በመላክ የተወሰነ ግብይት እያከናወኑ እንደነበረ እና ደህንነቱ እና አስተማማኝነቱ የተጠበቀ አዲስ የግብይት መተግበሪያ ሰዎች ከፌስቡክ መተግበሪያ ሳይወጡ መገልገል እንዲችሉ እደሚያደርግም ገልጸዋል።

Continue Reading
You may also like...

MD, Lecturer, UX & UI Developer, Consultant SMM, and Blogger.

Click to comment

More in ሳይቴክ

To Top