fbpx
Connect with us

1368 ነፃ የአማርኛ መጽሐፍት ገበታ

good amharic books
Pixabay

ካነበብኳቸዉ

1368 ነፃ የአማርኛ መጽሐፍት ገበታ

ዛሬ ላስተዋውቃችሁ የወደድኩትኝ ድረ ገጽ መጠሪያዉ Good Amharic Books የሚባል ሲሆን በድረ ገጹም ከ 1368 በላይ የተለያዩ መጽሐፎችን የያዘ ሲሆን ማንኛዉም ሰዉ መጽሐፎቹን ከድረ ገጹ በነጻ አዉርዶ መጠቀም ይችላል። ድረ ገጹ ላይ ከ ሰላሳ በላይ በሆኑ ክፍሎች የተከፈሉ የተለያዩ የጽሁፍ እና ድምጽ መጽሐፎች ተካተዉበታል።
ድረ ገጹን ያዘጋጀዉን እና ይሄንን ሁሉ አማርኛ መጽሐፍት የሰበሰበዉ ፋዉንዴሽን ላፕስሌ/ብሩክስ ፋዉንዴሽንን እናመሰግናለን።
ወደ ድረ ገጹ ለመግባት ይሄንን ሊንክ ይጫኑ  http://www.good-amharic-books.com/
የድረ ገጹን አደራጆች ለማግኘት በ texlap@juno.com ወይም በ +1 972 578 0825 ያግኟቸዉ።
የድረ ገጹ መግቢያ ገጽ ላይ የተቀመጠዉም መልዕክት እንዲህ ይላል፡-

gab site

goodamharicbooks

ጤና ይስጥልኝ!! ወደ ትንሿ ቤታችን እንኳን ደህና መጡ። ቡና ፈልቷል፤ ይቀመጡ። ቡናዉን እየጠጡ በላይብሬሪያችን ያሰባሰብናቸዉን መጽሃፍት እንዲመለከቱ እንጋብዝዎታለን።
ቶማስ አ ኬምፐስ የተባለዉ በ 15ኛዉ ክፍለ ዘመን የኖረዉ ሆላንዳዊ ሰዉ ስለ ጥሩ መጽሐፍት የሚከተለዉን ብሏል፡-
“ለተጠማ ጎረቤቱ አንድ ብርጭቆ ቀዝቃዛ ዉኃ የሚሰጥ ሰዉ ሽልማትን የሚቀበል ከሆነ፣ የዘላለም ህይወት ምንጭ የሚያፈልቁ መጽሐፍትን ለጎረቤቶቹ የሚያቀርብ ሰዉ ሽልማት ምንኛ ከዚያ የላቀ ነዉ!”
በመሆኑም እኛም እነዚህን ጠቃሚ የሆኑ መጽሐፍት በዓለም ሁሉ ላሉ የአማርኛ ቋንቋ አንባቢዎች ስናቀርብ ከፍ ያለ ደስታ ይሰማናል። እነዚህን መጽሐፍት በማጥናት ለዕለት ተዕለት ኑሮ ምሪት፣ ለዚህ ዘመን እግዚአብሄር ያለዉን ዕቅድ እንዲሁም ወደ ፊት የሚሆነዉን አስመልክቶ መረዳትን እንደሚያገኙ እናምናለን።
እኛ በላፕስሊ/ብሩክስ ፋዉንዴሽን ያለነዉ ለመጽሐፍቱ ጸሐፊዎች፣ ለተርጓሚዎች እና ለኤዲተሮች ከፍ ያለ ምስጋና እናቀርባለን። እንዲሁም የደራሲነት መብት ያላቸዉን መጽሐፍትን በዚህ ዓይነት ሁኔታ እንድናቀርብ ለፈቀዱልን ሁሉ የላቀ ምስጋናችንን እናቀርባለን። የትኛዉንም መጽሐፍ ለራስዎ መጠቀምም ሆነ ሌሎችን ያለ ክፍያ እንዲጠቀሙ ማድረግ ይችላሉ።
በመጨረሻም በዘኁልቁ 6፣24-26 የእግዚአብሔር ቃል እንደሚናገረዉ፡-
“እግዚአብሔር ይባርክህ፣ ይጠብቅህም፣ እግዚአብሔር ፊቱን ያብራልህ፤ … እግዚአብሔር ፊቱን ወደ አንተ ያንሳ፤ … ሰላሙንም ይስጥህ”  ይላል።
እኔም ድረ ገጹን ከ ዛሬ 7 አመታት በፊት በአንድ መልካም ወዳጄ አማካኝነት ካገኘሁ በኋላ ለቻልኳቸዉ ወገኖች በሙሉ ሳጋራ ነበር እናንተም ለሌሎች ያጋሯቸዉ።
ማንበብ ምሉዕ ሰዉ ያደርጋል።
ይሄንን ድረ ገጽ በሚመችዎ ማንኛዉም ማህበራዊ ድረገጽ በማጋራት ማንበብ እየፈለጉ መጽሃፍ ላጡ ወገኖቻችን መልካም ነገር የማካፈል ስራ እንስራ።
አመሰግናለሁ።

Continue Reading
You may also like...

MD, Lecturer, UX & UI Developer, Consultant SMM, and Blogger.

Click to comment

More in ካነበብኳቸዉ

To Top