fbpx
Connect with us

የምግብ ፍላጎት መቀነስ

feautured
Pixabay

ህክምና

የምግብ ፍላጎት መቀነስ

ይህ ሁኔታ መሰረታዊ ሰዉነት የሚያስፈልገዉ ሃይል ፍላጎት መሟላት እያለበት የምግብ ፍላጎት ግን የሚቀንስበት ወይም የሚጠፋበት ሁኔታ ነዉ።
ማንኛዉም ህመም/በሽታ በምግብ ፍላጎት ላይ አሉታዊ ተፅዕኖ ሊያሳድር ይችላል። በሽታዉን በህክምና ካስወገዱ በኋላ ግን የምግብ ፍላጎትዎ መስተካከል ይኖርበታል። የምግብ ፍላጎት መጥፋት ያልታሰበ የሰዉነት ክብደት መቀነስ ያስከትላል።

መንስኤዎቹ ምንድናቸዉ?

  • የስሜት መረበሽ፣ ንዴት፣ ብቸኝነት፣ ስልቹነት፣ ዉጥረት፣ ጭንቀት፣ የቅርብ ሰዉ በህይወት መለየት እና መደበት
  • አኖሬክሺያ ነርቮሳ የተሰኘ የአዕምሮ ህመም (Anorexia Nervosa)
  • አጣዳፊ እና ስር የሰደዱ (Acute and Chronic) ኢንፌክሽኖች
  • የእርግዝና የመጀመሪያዎቹ ሶስት ወራት
  • የታይሮይድ ሆርሞን እጥረት (Hypothyroidism)
  • የካንሰር ህመም

የተለያዩ መድሃኒቶች፡-

  • የካንሰር መድሃኒቶች (Chemotherapy)
  • አነቃቂ መድሃኒቶች ወይም ዕፆች ወይም አልኮሆል መጠጥ (Amphetamines, Alcohol Drinking)
  • ፀረ ባካቴሪያዎች (Antibiotics)
  • የሳል እና የጉንፋን ወይም ሌሎች የህመም ማስታገሻዎች (Codeine, Morphine)

ምን ማድረግ አለብኝ?
የሚወሰዱትን የፕሮቲን እና ካሎሪ መጠን ለመጨመር ከፍተኛ ካሎሪና የንጥረ ምግብ ይዘት ያላቸዉን ምግቦች በየቀኑ ከወትሮዉ አዘውትረዉ ይመገቡ። የምግብ ፍላጎታቸዉ የቀነሰዉን ግለሰብ ለማበረታታት የሚወዷቸዉ ምግቦች ተዘጋጅተዉ ቢቀርቡላቸዉ መልካም ነዉ። የችግሩ ተጠቂ የ 24 ሰዓታት የምግብ ፍጆታቸዉን መመዝገብ ይኖርባቸዋል። የአዕምሮ ህመም ለምሳሌ እንደነ አኖሬክሺያ ነርቮሳ ያለባቸዉ ሰዎች የተመገቡትን መጠን የማጋነን ዝንባሌ ስላላቸዉ የሚወስዱትን የካሎሪ እና የንጥረ ምግብ መጠን ሌላ ሰዉ በጥንቃቄ መከታተል ወይም መመዝገብ ይኖርበታል። መድሃኒቶችን በመጠቀምዎ የምግብ ፍላጎትዎ ከቀነሰ ከሃኪምዎ ጋር በመመካከር መጠኑን መቀነስ ወይም መቀየር ይቻላል። ሃኪም ሳያማክሩ ፈጽሞ መድሃኒት መቀየር እንደሌለብዎ ይገንዘቡ።

ሃኪም መቼ ማማከር አለብኝ
ክብደትዎን ለመቀነስ ምንም አይነት ጥረት ሳያደርጉ በአንድ ወር ዉስጥ ከ አጠቃላይ ክብደትዎ ከ 7 በመቶ በላይ ከቀነሱ ወደ ሃኪም ቤት ይሂዱ። የቀነሰዉን ክብደትዎን በመቶኛ ወይም በፐርሰንት ለማስላት የሚከተለዉን ስሌት ይጠቀሙ፡- የቀነሰዉን ክብደትዎን ከመቀነሱ በፊት በነበረዉ ክብደትዎ ያካፍሉት። ቀጥሎ በመቶ ያባዙት። መጀመሪያ 65 ኪሎ የሚመዝኑ ከነበረና አሁን ደግሞ 55 ኪሎ ከመዘኑ 10 ኪሎ ቀንሰዋል ማለት ነዉ። 10 ኪሎ በ 65 ኪሎ ሲካፈል 0.07 ይሆናል። ይሄንን ቁጥር በ ሞተ ሲባዛ 7 ፐርሰንት ወይም ደግሞ 7 በመቶ ይሆናል ማለት ነዉ።

ሃኪምዎ ምን ሊያደርግልዎ ይችላል
ስለ አመጋገብዎ እና የጤና አቋምዎ መጠይቃዊ መረጃዎችን መሰብሰብ እና ክብደትዎን እና ቁመትዎን ያካተተ አካላዊ ምርመራ ማድረግ፣ ስለሁኔታዉ ይበልጥ በጥልቀት መጠየቅ፣ የተለያዩ ምርመራዎችን በማድረግ ምክንያቱን መለየት እና በተለየዉ ምክንያት መሰረት ህክምና መጠቆም እና ክትትል በማድረግ ችግሩ እንዲቀልዎ ሊያደርግ ይችላል።

አመሰግናለሁ።

Continue Reading
You may also like...

MD, Lecturer, UX & UI Developer, Consultant SMM, and Blogger.

Click to comment

More in ህክምና

To Top