fbpx
Connect with us

Hemorrhoids (“ኪንታሮት”)

featured
Pixabay, mayo clinic

ህክምና

Hemorrhoids (“ኪንታሮት”)

ሔሞሮይድስ ወይም በተለምዶ “ኪንታሮት’ እየተባለ የሚጠራ ቢሆንም ኪንታሮት የሚባለዉ መጠሪያ ትክክል አይደለም ይልቅ የደም ስሮች እብጠት ነዉ።
ሔሞሮይድስ በፊንጢጣ አከባቢ በሚገኘዉ አይነምድር መዉጫ የአንጀት ክፍል የሚገኙ ደም መላሽ የደም ስሮች (Veins) ከሚገባዉ በላይ በመላላትና በመለጠጥ በዉስጣቸዉ ደም በመቋጠር አብጠት መፍጠር ነዉ። ሔሞሮይድ ሁለት አይነት አፈጣጠር አለዉ በፊንጢጣ ከ ዴንቴት መስመር ወደ ዉስጥ የሚገኝ ወይም የሚፈጠር እና ከዴንቴት መስመር በኋላ ከዉጭ የሚከሰት ተብለዉ በሁለት ይከፈላል።

መንስኤዉ ምንድናቸዉ?
ይህ ችግር በብዛት የሚከሰት ነዉ። መሰረታዊ መንስኤዉ በተለጠጡ በደም መላሽ የደም ስሮች (Veins) ዉስጥ ደም መቋጠር እና እብጠት መፈጠር ሲሆን ይህም እብጠት ህመም ያስከትላል። ለግፊት መጨመር ምክንያቶቹ መካከል፡-

  • ሠገራ በሚወጣበት ጊዜ ማማጥ በቂ ጊዜ ሰጥቶ በእርጋታ ያለማስወጣት
  • የሆድ ድርቀት
  • ለረጅም ሰዓታት መቀመጥ
  • እርግዝና
  • ከባድ ነገር ለረጅም ስአት ማንሳት እና መሸከም
  • ከመጠን ያለፈ ክብደት
  • በፊንጢጣ አከባቢ ቁስል ወይም ኢንፌክሽን
  • የጉበት ህመም (Cirrhosis)

የህመሙ ምልክቶቹ ምንድናቸዉ?
በሐየሞሮይድ የተነሳ የሚከተሉት የህመም ስሜቶች ሊፈጠሩ ይችላሉ።

  • በፊንጢጣ ዉስጥ ሆነ አከባቢ የማሳከክ ስሜት
  • በፊንጢጣ አከባቢ የሚከሰት የመጎርበጥ ወይም የህመም ስሜት
  • ሰገራ በሚጠረግበት ጊዜ በመጥረጊያዉ ላይ የደም ቅብ ማየት
  • ከሰገራ ጋር አብሮ የሚወጣ ደም ማየት
  • ከፊንጢጣ ዉጭ የተንጠለጠሉ እብጠቶች (ይሄ በዉጨኛዉ ሐየሞሮይድ የሚከሰት ነዉ)

የምርመራ መንገዶቹ ምንድናቸዉ?

  • ከዉጭ የሚከሰተዉ ከሆነ በማየት መለየት ይቻላል
  • በሰገራ ዉስጥ ደም መኖሩን ማረጋገጫ (Stool Guaiac)
  • ከዉስጥ የሚከሰተዉን መኖር ያለመኖሩን ካሜራ በተገጠመላቸዉ ቱቦዎች በፊንጢጣ ወደ ዉስጥ በማስገባት የታችኛዉን የአንጀት ክፍል በማየት ችግሩን ለመለየት ያስችሉናል።

በቤትዎ ማደረግ የሚችሏቸዉ መፍትሄዎች

1. ህመሙን ለማስታገስ እና እብጠቱን ለመቀነስ ተብለዉ የተዘጋጁ የሚቀቡ መድሃኒቶችን ከፋርማሲ በመግዛት መጠቀም (anti-hemorroidal ointments)
2. ከመጸዳዳት በኋላ በጠንካራ ወረቀት ፊንጢጣን ያለማጽዳት ወይም ቢቻል ዉሃ መጠቀም
3. ህመሙን ለማስታገስ እና እብጠቱን ለመቀነስ በመዘፍዘፊያ በተደረገ ለብ ባለዉሃ ዉስጥ ቢያንስ ከ 10-15 ደቂቃ በቀን እስከ ሁለቴ መቀመጥ
4. በተቻለ መጠን የሆድ ድርቀትን መከላከል (የሆድ ድርቀትን ለመከላከል እዚህ ጋር በመጫን ያንብቡ)

ሃኪም መቼ ነዉ ማማከር ያለብኝ?
ከላይ የተቀመጡትን መፍትሄዎች አድርገዉ የማይቀንስ ከሆነ እና ደም ከፊንጢጣ መፍሰስ ከጀመረ።
የራሱ የሆኑ አራት ደረዎጃዎች ስላሉት ከላይ ባሉት መፍትሄዎች የማይቻሉት እና በቀዶ ህክምና ብቻ መስተካከል ያለባቸዉ ስላሉ ችግሩ ሳይከፋ በሃኪም መታየት መልካም ነዉ።
አመሰግናለሁ።

Continue Reading

MD, Lecturer, UX & UI Developer, Consultant SMM, and Blogger.

1 Comment

More in ህክምና

To Top