fbpx
Connect with us

የማይሬይን ህመም እና ዘላቂ መፍትሄዉ

migraine

ህክምና

የማይሬይን ህመም እና ዘላቂ መፍትሄዉ

በአለማችን ላይ ከሰባት ሰዉ አንዱ በማይግሬይን በሽታ ይጠቃል። ህመሙ ከወንዶች ይልቅ በሴቶች በሶስት እጥፍ ይታያል። ህመሙ ለረጅም ጊዜ በመቆየት የዕለት ተዕለት ኑሮአችን ላይ ጫና በማሳደር ኑሮን ከባድ ያደርገዋል። የተለያዩ በሃኪም የሚታዘዙ መድሃኒቶች ቢኖሩም ዘላቂ መፍትሄ የሚገኘዉ የኑሮ ዘይቤ ለዉጥ በማድረግ ነዉ። ህመሙ የሚከሰተዉ ሰዉነት መሸከም ከሚገባዉ በላይ ውጥረት ዉስጥ በሚገባበት ጊዜ ስለሆነ፣ መዳን የሚቻለዉ ሰዉነትን በማዳመጥ ነዉ። ይሄም ማለት ታማሚዉ ህመሙ የሚነሳበትን ጊዜ በመለየት በዚያ ሰዓት ያደረገዉን ነገር በመፈተሽ፣ ለምሳሌ፡- ረሃብ፣ ጥማት፣ እንቅልፍ ማጣት ወይም የስሜት መረበሽ መከሰት፣ ከነዚህም ዉጪ ደግሞ ከመጠን በላይ የሆኑ አነቃቂ ነገሮችን መዉሰድ፣ አሊያም የተለያዩ የታሸጉ ምግቦች ዉስጥ ያሉ ነገሮችን የትኛዉ የነሱን ህመም እንደሚቀሰቅስ በመለየት ያንን በማስወገድ የህመሙን መከሰት እየቀነሱ መሄድ ይቻላል።

ዘላቂ መፍትሄ የአኗኗር ዘይቤ ለዉጥ ማድረግ ነዉ። ይሄም ማለት በተቻለ መጠን ህመሙ የሚነሳባቸዉን ሁኔታዎች በመከታተል እና በመለየት እነሱን በማስወገድ ነዉ።
የህመሙ መነሻ ባጠቃላይ ሰዉነት ላይ የሚደረግ ከመጠን በላይ ዉጥረት ነዉ። ይሄም ዉጥረት ሶስት ይከፈላል፡- አካላዊ፣ ስነልቦናዊ እና ኬሚካላዊ በመባል።
1. አካላዊ፡- በቂ እረፍት ያለማግኘት፣ አንቅልፍ ማዛባት፣ የአካባቢ አይር ጸባይ ያለመላመድ፣ የተለያዩ የብርሃን ጨረሮች (ረጅም ሰዓት ኮምፒዩተር ላይ ወይም ስልክ ላይ መቆየት)፣ ረጅም ጊዜ ምግብ ያለመብላት፣ በቂ ቁርስ ያለመመገብ፣ በሴቶች በኩል ደግሞ የወር አበባ ኡደትን ተከትለው የሚጨምሩ እና የሚቀንሱ የሴት ሆርሞኖች ይህንን በሽታ ያባብሱታል::
2. ስነ ልቦናዊ፡- መጨናነቅ፣ ንዴት፣ የማይፈልጉትን ነገር ተገዶ ማድረግ
3. ኬሚካላዊ፡- የምንበላበት ምግብ በብዛት ፕሮሰስ የተደረገ እና የታሸጉ ከሆነ እነሱን ሳይበላሹ ረጅም ጊዜ እንዲቆዩ የሚደረጉ ኬሚካሎች ሊቀሰቅሱት ይችላሉ፣ በቂ ዉሃ ያለመጠጣት፣ የአልኮል መጠጥ፣ አነቃቂ ነገሮችን ከመጠን በላይ መዉሰድ

ህመሙን በዘላቂነት እንዴት መከላከል ይቻላል?
የአኗኗር ዘይቤን በመቃኘት ከላይ የተጠቀሱትን መንስኤ የሆኑ ነገሮችን በማስወገድ የመነሳቱን መጠን መቀነስ ይቻላል።
የአኗኗር ዘይቤን ካስተካከሉ በኋላ ህመሙ ቢነሳ የተለያዩ ማስታገሻዎችን መዉሰድ ይችላሉ።
ሌሎች ጥያቄዎች ካለዎ፣ በኮሜንት ላይ ሊጠይቁኝ ይቻለሉ።
አመሰግናለሁ።

Continue Reading
You may also like...

MD, Lecturer, UX & UI Developer, Consultant SMM, and Blogger.

Click to comment

More in ህክምና

To Top